Canapés con tostas de pan mariñeiras ® edición nadal

En decembro chegan as festas de Nadal. E, con elas, unha oportunidade única de sorprender aos teus comensais e, nalgún caso, atraer a clientes novos ao teu local con comida típica e decoracións propias destas datas. No post de hoxe, querémosche presentar uns sinxelos canapés que encaixarán á perfección con esta época do ano.

Canapés de nadal

Cando chegan as festas de Nadal, os locais de restauración énchense de comensais que queren degustar pratos típicos da zona. Para abrir o apetito, preparámosvos unha serie de canapés típicos de nadal que permitirán que lxs chefs poidan servir a todas as mesas con calma sen que lxs comensais póñanse impacientes.

1. Queixo manchego e tomate deshidratado

Este canapé é o perfecto entrante mentres esperamos pola comida! Cortamos o queixo manchego en láminas e colocamos unha en cada tosta de pan. Despois collemos o tomate deshidratado e poñémolo encima do queixo. Cun tomate por queixo é suficiente, pero podes botarlle dous se che gusta máis. E, por último, botamos un pouquiño de aceite de oliva virxe extra por encima. Se queres, tamén podemos engadir un pouco de pementa negra ao gusto antes de botar o aceite. Quedarache un canapé sinxelo, pero cheo de sabor.

2. Paté e marmelada de froitos vermellos

Este canapé é moi sinxelo e apetitoso. Só teremos que untar o paté nas tostas de pan e botarlles un pouquiño de marmelada e froitos vermellos. Como estes canapés soamente teñen dous ingredientes, podes facelos máis pequenos. Para iso, podes empregar tostas de pan Mariñeiras® Especial Bocado.

3. Xamón ibérico, queixo de cabra e cebola caramelizada

Todos os canapés de xamón ibérico están buenísimos, pero este é, sen dúbida, un dos nosos favoritos. Primeiro debemos preparar a cebola caramelizada. Cando finalicemos, colocamos sobre as tostas de pan un pouco de rulo de queixo de cabra, despois o xamón ibérico e, sobre el, colocamos a cebola caramelizada. Este é un canapé que lle gustará a lxs fans do xamón e do queixo forte. Se non che gusta a cebola caramelizada, unha alternativa que tamén achega un toque doce é a marmelada.

4. Gulas ao allo

Os canapés de gulas son entrantes quentes que se preparan rapidamente e que gustan moito a lxs comensais. O canapé de gula ao allo, en concreto, é un dos máis sinxelos, xa que só necesitas fritir en aceite un pouquiño de allo e mesturalo durante uns minutos coas gulas na tixola.

Despois botamos sal ao gusto e xa estaría listo para servir cos canapés. Como non podería ser doutro xeito, tampouco podemos pasar a oportunidade de recomendarvos o canapé de gulas á galega. Para facelo, só teremos que engadir ao canapé de gulas ao allo un pouco de aceite e pemento. Se tes tempo, podes servir o canapé cunha pataca panadeira entre a tosta de pan e as gulas. Riquísimo!

5. Berenxena con brie, vinagre balsámico e cebola crujiente

Este canapé é o ideal para aquelas persoas vegetarianas. Os ingredientes que necesitamos son a berenxena, o queixo brie, a cebola crocante, vinagre balsámico, aceite de oilva virxe extra, sal e perexil. Para preparalo, primeiro cortamos e fritimos a berenxena a lume medio e botámoslle sal e perexil ao gusto. Cando xa estea lista, engadimos o queixo brie para que se derrita coa calor. Despois colocámola nas tostas de pan, engadimos un pouquiño de vinagre balsámico e cebola crujiente por encima. Antes de poñer a berenxena co brie, temos que asegurarnos de escorrela ben para que non quede aceitoso.

6. Xamón serrano e queixo crema

Este canapé é xa un clásico. É moi fácil de preparar e, ademais, está delicioso. Os únicos ingredientes que necesitas son: xamón serrano en liscos, queixo crema e maionesa. Primeiro temos que cortar o xamón serrano en pequenos cachitos e botámolo nun cazo co queixo crema e coa maionesa. Despois removemos ata que quede unha mestura uniforme. Preparamos as tostas de pan nunha bandexa e imos cubríndoas coa mestura. Para que queden ben, temos que lembrar poñer a metade de maionesa que de crema: deste xeito quedará unha pasta máis saborosa.

7. Champiñón ao allo

Este canapé é tan rico como sinxelo. Primeiro hai que fritir todos os ingredientes para despois montar o canapé. Lembra que os champiñóns hai que limpalos ben; quitarémoslles o tronco para que quede o oco onde meteremos o xamón. Nunha tixola deberemos fritir os champiñóns e, noutra, deberemos fritir o allo picado; nesa mesma tixola fritiremos o xamón e, a posteriori, as gambas. Se o prefires, podes engadir un pemento de cayena e despois retiralo á hora de servilo. Cando todo estea listo, poñemos nunha bandexa os canapés coas nosas tostas de pan, e despois os champiñóns. No oco dos champiñóns introducimos o xamón e, arriba, colocamos a gamba. Empregaremos un palillo para que non se desmonte. E, voilà! Xa temos o noso entrante listo para servir. En canto ás cantidades, todo depende de cuantos canapés queiramos servir. Normalmente, poñeremos un champiñón e unha gamba en cada tosta.

8. Queixo de cabra e mel

Este delicioso canapé ten notas doces e salgadas. Para preparalo, só debes seguir uns sinxelos pasos. Primeiro, deberás cortar o rulo de queixo de cabra en varios toros, nin moi grosas nin moi finas. Posteriormente, deberás saltear nunha tixola a cebola xunto cuns anacos pequenos de bacon, arandos, pistachos e mel. Logo, colle os teus tostas de pan para canapés, repárteas nunha bandexa e pon un toro de queixo de cabra a cada unha e reparte o recheo encima dos toros.

9. Mini hamburguesas con confeitura de mazá

As hamburguesas tradicionais son unha boa opción para todas as épocas do ano, sobre todo para as persoas máis pequenas de casa. Como o Nadal é unha época moi especial, podemos preparar estas hamburguesas en formato canapé e decoralo con confeitura para darlle o seu toque elegante. O primeiro que debemos facer é elaborar as hamburguesas en tamaños pequenos para que caiban nas tostas de pan. Despois, deberemos preparar a confeitura de mazá. Poñemos nunha pota unha mazá pelada e cortada en anaquiños pequenos, unha cullerada sopeira de azucre e 10 gramos de manteiga, e cociñamos todo a lume lento ata que quede unha masa uniforme. Xa estaría lista para servir!

Se non tes tempo para elaborar a confeitura, podes substituíla por unha rica marmelada. Aínda que é certo que as tostas de pan Mariñeiras® Especial Canapé son demasiado pequenas, podes usar outras da varidad Natural que son máis grandes. A pesar de que a base non é tan plana, ao ser hamburguesa, pódese colocar facilmente.

Como ves, esta lista de canapés é moi variada, polo que che permite acertar con todo o mundo. Todos son sinxelos de elaborar, aínda que algúns requiren de máis tempo. Está nas túas mans decidir cales queres recrear, en función do teu tempo ou dos teus gustos. Esperamos que che gustasen e que namoren aos teus comensais do mesmo xeito que nos namoraron a nós.
 
Bo proveito!👅

Tamén che pode interesar...

Recibe todas as novidades en receitas