
Daveiga está na feira Alimentaria de Barcelona
Daveiga presenta as últimas novidades das tostas de pan Mariñeiras® na feira Alimentaria. O pan sen faragulla viaxa á feira de alimentación, bebidas e gastronomía líder en España para mostrar a produción, a nova imaxe e a nova liña de produtos.
Alimentaria, xa un referente a nivel internacional, conta con máis de 4.500 firmas mostrando as súas mellores propostas e nela Daveiga defende a nova imaxe do pan de barco onde un mariñeiro reforza o valor e a historia deste produto tradicional. Ás terras catalás chegan as novs referencias de produtos Natural (espelta, liño) e BIO (integral, sementes de chia, espelta e quinoa), así como a nova liña de produtos biolóxicos (gama BIO) cuxa produción está certificada polo Consello Regulador de Agricultura Ecolóxica de Galicia.
Durante o evento, o cociñeiro e profesor do F.P de Cociña do I.E.S Lagoa Antela de Xinzo de Limia, Martín Álvarez, elaborará varias receitas coas tostas de pan, destacando as preparadas con ortigas. Mostrará as diferentes formas de consumir este pan de longa duración e convidará os asistentes a degustar as súas elaboracións.
O presidente de Alimentaria, Josep Lluís Bonet, constata que “a alimentación é o primeiro sector industrial do país, e en Alimentaria ten a oportunidade de presentarse #ante o mundo con baluartes como a calidade, a excelencia da súa materia prima e a innovación; xunto a unha gastronomía que goza de gran prestixio internacional”.
A feira de Alimentaria celébrase desde o 16 de abril ata o xoves 19 no Recinto de Gran Vía de Barcelona. Convidámosvos a visitarnos no Pavillón 2 – Rúa F – Caseta 638.
Máis información: http://www.alimentaria-bcn.com
