Daveiga participa no programa escolar «Da Escola á Granxa» 2023

O programa «Da Escola á Granxa» desenvólvese co apoio da área de Medio Rural da Vicepresidencia da Deputación de Lugo para achegar o alumnado a proxectos de emprendemento rural.
O departamento de Medio Rural da Deputación de Lugo creou o programa «Da Escola á Granxa» para que o alumnado da provincia coñeza de primeira man como se elaboran determinados produtos alimentarios, ademais de mostrar a orixe das materias primas coas que se elaboran.
Daveiga é un dos 29 proxectos de emprendemento rural que participan no programa «Da Escola á Granxa», entre os que se atopan granxas, pequenas producións agrarias e obradoiros alimentarios das distintas comarcas, con actividades diversas, desde a produción de froita e produtos de horta ata a cría de gando vacún, ovino, caprino, avícola ou cabalar, ou a elaboración de queixos e marmeladas.
Todas as persoas visitantes percorren as instalacións de Daveiga coas nosas guías, quen durante a visita cóntanlles o proceso de produción das tostas de pan, a súa historia e orixe, e a misión, visión e valores de Daveiga. Ao finalizar o percorrido polo obradoiro, a visita finaliza cunha degustación de mariñeiras no noso comedor.
Ademais, o alumnado recibe ao finalizar a visita polo obradoiro un exemplar do libro “Os Bolechas. Da Escola á Granxa”, que Medio Rural edita con Bolanda para ampliar a difusión do programa e a degustación do produto.

Esta sería a páxina dedicada a Daveiga, onde as nosas compañeiras teñen o seu propio Bolecha e son as encargadas de realizar a visita con todas as persoas que visitan o obradoiro.
A área de Medio Rural financia as visitas solicitadas polas asociacións de nais e pais que se están desenvolvendo neste segundo semestre do ano. Participarán nelas preto de 4.000 alumnos e alumnas dos colexios de Becerreá, A Pobra do Brollón, Triacastela, Oural (Sarria), Monterroso, Santa Rita de Galdo e Lois Tobío (Viveiro), Terra Chá de Román, Insúa Bermúdez e Mato Vizoso (Vilalba), Riotorto, Xove, Samos, Xermade, Outeiro de Rei, O Páramo, Pantón, Palas de Rei, O Cantel e Nº 1 (Foz), Alfoz, Quiroga, Guntín, Ribadeo, A Pastoriza, Bretoña (A Pastoriza), Castro de Rei, O Incio, Taboada, Bóveda, Monforte, Paradela, Muras, San Cosme de Barreiros e A Milagrosa, Lousada, As Mercedes, Santa María e Casás (Lugo).


